ნიჟნეგორსკის რაიონის სოფელ სადოვოეში ძლიერი წვიმის გამო 120 ჰექტარზე 10-მდე სათბური დაიტბორა. ამის შესახებ ყირიმის მინისტრთა საბჭოს თავმჯდომარემ იური გოცანიუკმა განაცხადა.
„სიტუაციის შესახებ მოვახსენე ყირიმის რესპუბლიკის ხელმძღვანელს სერგეი ვალერიევიჩ აქსიონოვს. განიხილება წყალდიდობის შედეგად დაზარალებულთათვის სასოფლო-სამეურნეო კულტურების კომპენსაციის სახით და სასათბურე მეურნეობების გაშენების მიზნით დახმარების გაწევის საკითხი“, - განაცხადა გოცანიუკმა ტელეგრამაში.
მანამდე გავრცელდა ინფორმაცია, რომ უამინდობის გამო დაზიანდა ყირიმში ყველაზე დიდი სასათბურე კომპლექსი „ბელოგორსკი“.